အများပြည်သူသို့ အသိပေးကြေညာခြင်း             

ကုန်းလမ်းပို့ဆောင်ရေးညွှန်ကြားမှုဦးစီးဌာနအနေဖြင့် လျှပ်စစ်စွမ်းအင်သုံး မော်တော်ယာဉ် များကို Pilot Project ကာလအတွင်း ပြည်ပတင်သွင်းယာဉ်မှတ်ပုံတင်ခများ ကောက်ခံခြင်းမပြုဘဲ ကနဦးမှတ်ပုံတင်လုပ်ငန်းများကို ဆောင်ရွက်ပေးလျက်ရှိပါသည်။

          အဆိုပါ Pilot Project ကာလသည် ၃၁-၃-၂၀၂၆ ရက်နေ့တွင်ကုန်ဆုံးခဲ့ပြီးဖြစ်ပါသဖြင့် ၁-၄-၂၀၂၆ ရက်နေ့မှစ၍ သွင်းကုန်ကြေညာလွှာ ဖွင့်လှစ်သည့် ပြည်ပမှ CBU စနစ်ဖြင့်တင်သွင်းလာ သည့် လျှပ်စစ်စွမ်းအင်သုံးမော်တော်ယာဉ်များကို မော်တော်ယာဉ်အမျိုးအစားနှင့် ဘက်ထရီ စွမ်းဆောင်ရည် (Battery Capacity)အလိုက် မူလတန်ဖိုး FOB ( Free On Board ) ဈေးနှုန်းအပေါ် ပြည်ပတင်သွင်းယာဉ်မှတ်ပုံတင်ခအား ၂၀၂၆ ခုနှစ်၊ ဧပြီလ (၁)ရက်မှစတင်၍ အောက်ပါအတိုင်း သတ်မှတ်ကောက်ခံသွားမည်ဖြစ်ပါကြောင်း အသိပေးကြေညာအပ်ပါသည်-

      စဉ်                                  မော်တော်ယာဉ်အမျိုးအစား                                                ရာခိုင်နှုန်း

(က)                       လုပ်ငန်းသုံးယာဉ်များ၊ ကုန်တင်ယာဉ်များ Pick Up                                               ၃ %

                                (Single Cab, Extended Cab, Open Cab) Light Truck,

                                Truck, Dumper, Tanker, Box Truck, Refrigerated Van,

                                Crane Truck, Logging Truck, Container Carrier Truck,

                                Tractor Head

(ခ)                           ခရီးသည်တင်ယာဉ်(ယာဉ်မောင်းအပါအဝင် ၁၅ ဦးအထက်)                                      ၃ %

                                (Bus, Mini Bus, Express Bus)(City Bus မပါ)

(ဂ)                           လူစီးယာဉ်(ယာဉ်မောင်းသူအပါအဝင် ၁၅ ဦးနှင့်အောက်)                                          

                                (Saloon, Jeep, Station Wagon, Micro Bus, MPV, SUV)

                                 (၁) Battery Capacity 30 Kwh နှင့်အောက်                                                           ၁၀ %

                                 (၂) Battery Capacity 31 Kwh နှင့် 60 Kwh အထိ                                                  ၂၀ %

                                 (၃) Battery Capacity 61 Kwh နှင့် 90 Kwh အထိ                                                  ၃၀ %

                                 (၄)  Battery Capacity 91 Kwh နှင့်အထက်                                                           ၄၀ %

(ဃ)                           လူနှင့်ကုန်(၂)မျိုးသုံးယာဉ်(Pick Up, Double Cab)                                                  ၃၀ %

ကုန်းလမ်းပို့ဆောင်ရေးညွှန်ကြားမှုဦးစီးဌာန